Micro-Conciertu en Susacasa Agrocultural (Gozón)
El Festival ADAR 2025 anició'l so recorríu en Susacasa Agrocultural, un espaciu de permacultura onde territoriu, comunidá y creación artística conviven de forma orgánica. Esti micro-conciertu tuvo llugar nun de los hórreos seleicionaos dientro del concursu d'hórreos y paneres impulsáu pol festival.
Susacasa, xestionáu por Keko Marcos y Sandra Murillo, propón una relación activa col contornu rural, integrando actividaes ecolóxiques, educatives y culturales nuna gran panera adaptada p'usos comunitarios. Nesti contestu, l'hórreu tresformóse nun espaciu sonoru íntimu onde'l públicu vivió la música en cercanía direuta colos intérpretes.
Esti conciertu representó de forma clara ún de los exes del Festival ADAR: activar el patrimoniu rural asturianu como espaciu escénicu contemporáneu. L'arquitectura tradicional nun funcionó como simple contenedor, sinón como parte activa de la esperiencia artística.
Nacho Laguna y María del Buey presentaron una seleición del álbum Ferrarese – tiorba (2023), combinando repertoriu barrocu ibéricu con improvisación contemporánea nun diálogu ente tradición ya innovación perfectamente integráu nel paisaxe y l'espaciu.
Programa
Seleición del álbum Ferrarese – tiorba (2023)
Ficha
Fecha:
martes, 5 d'agostu de 2025
20:00 - 21:00
Llocalización:
Susacasa Agrocultural
Susacasa, Gozón, Asturies
Músicos:
Nacho Laguna (tiorba)
María del Buey (voz y visuales)
Formatu:
Micro-conciertu n'hórreu