Festival ADAR

Qué ye ADAR

Asociación pal Desarrollu de les Artes nel Mediu Rural

ADAR naz como una iniciativa artística qu'entiende'l mediu rural como un espaciu de creación contemporánea. El festival y la residencia parten d'una asociación ensin ánimu de lucru fundada en 2020 en Leiguarda, Asturies.

ADAR Asturias

Orixe del nome

El Festival ADAR lleva'l so nome n'honor a la Asociación pal Desarrollu de les Artes nel Mediu Rural, entidá qu'organiza'l proyectu y articula la so visión cultural.

L'asociación

Fundada por Guillermo Laporta y Josefina Urraca durante la pandemia, l'asociación surde col propósitu d'activar el patrimoniu rural asturianu al traviés de la música y les artes vives, con apoyu de nueves teunoloxíes.

Oxetivos

Revitalizar zones rurales per aciu de proyectos culturales d'impactu internacional
Averar la música y les artes a territorios en riesgu de despoblación
Activar espacios rurales non convencionales y en desusu
Incentivar el turismu rural al traviés de la cultura y atraer artistes internacionales
Conectar zones rurales d'Asturies con audiencies de tol mundu
Usar les artes p'abordar problemátiques sociales contemporánees

Residencia y Festival

ADAR desenvuélvese n'aldees, pueblos y parroquies asturianes de menos de 500 habitantes. La residencia y el festival funcionen como un mesmu ecosistema creativu: ensayu, creación, mediación y conciertu.