Conciertu d'Inauguración en Lleiguarda
El 14 d'agostu de 2021, nel campu de la Ilesia de Lleiguarda, tuvo llugar el primer conciertu del Festival ADAR. Aquella nueche, acompañada pol orbayinu asturianu, más de 120 persones axuntáronse pa presenciar la nacencia d'un proyeutu cultural qu'aspiraba a devolver la música de cámara a les zones rurales d'Asturies.
Tola semana ficiera sol, pero esa nueche l'orbayinu fixo actu de presencia, torgando qu'interpretaran la totalidá del repertoriu previstu. Sicasí, lloñe d'estropiar la velada, la lluvia fino dotó al conciertu d'una atmósfera máxica ya irrepetible. L'escenariu, enmarcoáu por un gran marcu mariellu, tenía como telón de fondu la propia aldea de Lleiguarda, esllumada ente la borrina.
El programa axuntó obres de Mendelssohn, Haydn, Falla y John Harbison, xunto a una pieza del compositor Marcos Fernández, Atlantic, escrita espresamente pa la ocasión. El resultáu foi un percorríu qu'abarcó dende'l romanticismu alemán hasta la creación contemporánea, pasando pola tradición popular española.
La ilusión foi palpable. Tol pueblu de Lleiguarda involucróse nel montaxe del escenariu y nel acondicionamientu de l'aldea pa recibir al públicu. Lo que comenzó como una idea ambiciosa convirtióse, aquella nueche, nuna realidá compartida: daqué nuevo y pervalioso pa les comunidaes rurales d'Asturies taba comenzando.
Programa
Felix Mendelssohn – Trío en re menor, op. 49
Marcos Fernández – Atlantic (estrenu)
Manuel de Falla – Canciones Populares Españolas
Joseph Haydn – Trío en Re Mayor, Hob. XV:16
John Harbison – Flashes and Illuminations
Ficha
Data:
sábadu, 14 d'agostu de 2021
Llocalización:
Campo de la Iglesia de Leiguarda
Leiguarda, Belmonte de Miranda
Músicos:
Beatriz Blanco (violonchelu)
Nathaniel Sullivan (barítonu)
Marcos Fernández (compositor)
Guillermo Laporta (flauta)
Josefina Urraca (pianu)
Laude Martínez (presentador)
Formatu:
Conciertu d'inauguración