Concursu d'Hórreos y Paneres
Patrimoniu rural asturianu como espaciu escénicu · micro conciertos y esperiencies artístiques
Qué buscamos
Espacios con valor patrimonial y potencial escénicu: hórreos y paneres bien conservaos, con un entornu cuidáu y una relación viva col llugar.
L'oxetivu nun ye "usar un contenedor", sinón crear una esperiencia artística respetuosa cola arquitectura, el paisaxe y la comunidá.
Cómo funciona
El concursu articulase como una investigación distribuída:
• Convocatoria pública y receición de propuestes
• Visites y seleición curatorial
• Micro conciertos y mediación in situ
• Documentación audiovisual y archivu
Producción y cuidu
Diseñamos formatos pequeños, ensin presión sobre'l llugar: aforos amenorgaos, montaxe llixeru, tiempos de convivencia y un enfoque de cuidu del espaciu.
La producción adáptase a cada hórreo o panera, respetando accesos, materiales, ruiu y ritmos del territoriu.
Impautu territorial
El concursu xenera una rede d'espacios patrimoniales activaos que refuerza la identidá local, atrai públicu de manera sostenible y abre un marcu de collaboración con propietarios, vecindá y axentes culturales.
Tamién crea un archivu de referencia (imaxe, videu y relatu) útil pa mediación, comunicación y futures aliances.
Documentos
Bases por añu
Cada edición publica les sos propies bases y calendariu. Equí pues consultar les bases de cada añu.
Patrimoniu como escenariu
El Concursu d'Hórreos y Paneres ye una puerta d'entrada a la rede ADAR: un mapa vivu d'espacios onde la música y la creación contemporánea dialoguen con Asturies dende'l cuidu y la proximidá.