§ 00 · Biografía
Iván Cebrián (Cuenca, 1980) ye músicu y creador sonoru. Xunto a la artista visual Coco Moya forma'l coleutivu de música y arte Menhir, col que desendolca pieces electróniques site-specific en diálogu col territoriu: instalaciones sonores interactives onde se funden la teunoloxía y lo orgánico y nes que'l paisaxe —o'l contestu— conviértese en partitura. Compón y crea espacios sonoros pa compañíes de danza contemporánea, y desendolca la so propia producción discográfica amás de producir a otros músicos. Ye llicenciáu en Psicoloxía pola UNED y posgraduáu en Musicoterapia pola Universidá d'Alcalá de Henares. El proyeutu Menhir —qu'emplega sintetizadores analóxicos ya instrumentos acústicos y parte de la noción de geopunción, la música como «menhir virtual» qu'altera y tresforma'l territoriu— foi reconocíu col Premiu LABjoven_Los Bragales (Coleición Los Bragales y LABoral Centru d'Arte).