La edición inaugural del Festival ADAR zarróse en Balmonte de Miranda, capital del conceyu en cuyu territoriu s'atopa Lleiguarda, la sede del proyeutu. Un conciertu que-y daba carta de nacencia al festival y qu'asentaba les bases del modelu: música de cámara n'aldees, ilesies y espacios patrimoniales del mediu rural asturianu.

D'aquella primer edición nació'l compromisu de volver cada agostu, ampliando edición tres edición'l mapa de conceyos, espacios y artistes que pasen por ADAR.