La ilesia de Lleiguarda convirtióse en pantalla y caxa de resonancia nuna intervención qu'axuntó paséu sonoru y proyeiciones audiovisuales. Los músicos esplegáronse pel campu de la ilesia mientres el públicu recorría l'espaciu embaxo les imáxenes proyeutaes sobre la piedra.

Foi'l zarru d'una xornada intensa qu'incluía paséu sonoru nel Museu de les Ayalgues y micro-conciertu na Panera Casantos, conformando una secuencia coherente ente patrimoniu etnográficu, arquiteutura rural y arquiteutura relixosa.