§ 00 · Biografía
Voz, electrónica y creación sonora · Artista sonora y visual centrada nel paisaxe como partitura, la xeomancia y la teunoloxía aplicada al territoriu
Coco Moya (Xixón, 1982) ye artista y música que'l so trabayu s'asitia na interseición ente'l soníu, el territoriu y la teunoloxía. Llicenciada en Belles Artes pola Universidá Complutense de Madrid (2008), fizo un Erasmus na Accademia di Belle Arti de Venecia y cursó un máster n'Investigación n'Arte y Creación (2015), con una tesis titulada Geomancia Sonora, el Paisaje como Partitura. La so práutica, que describe como paleocibernética, interpreta'l paisaxe como partitura sonora, con intereses na topoloxía especulativa, l'antropocenu y la xeomancia. Desenvuelve proyeutos xunto al músicu Iván Cebrián —Cloudwatchers, The Water Meditation, Lapis Specularis y Menhir. Coordina'l ciclu Encuentros Sonoros na Facultá de Belles Artes de la UCM y codirixe El Cubo Verde. Recibió'l premiu Etopía de Zaragoza, les Claves de la Fundación Daniel y Nina Carasso y el LABjoven Los Bragales, y foi artista residente en Casa de Velázquez, les Salines d'Añana y, dende 2025, en LABoral Centro de Arte.